Bakı. 4 yanvar. REPORT.AZ/ Türkiyənin Bingöl vilayətinin rəhbərliyi İŞİD terror qruplaşması ilə əlaqədə olmaqda şübhəli bilinən 26 nəfərin saxlanıldığını xəbər verib.
"Report"un məlumatına görə, bu barədə "Anadolu" agentliyi xəbər yayıb.
Əməliyyat vilayətin təhlükəsizliyi üzrə idarə ilə Milli Kəşfiyyat İdarəsi tərəfindən birlikdə keçirilib. Reydlərin gedişatında polis həmçinin partlayıcı maddələr hazırlamaq üçün texnikanı, təxminən 4,6 min dollar pulu və ov tüfənglərini müsadirə edib. Şübhəlilər Bingöl, İstanbul, Adana, İzmir və Kilis vilayətlərində saxlanılıb.