Bakı. 27 dekabr. REPORT.AZ/ “Bunu açıq və qəti şəkildə bildirirəm: Bəşşar Əsəd dövlət terroru yaratmış bir terrorçudur”.
“Report” xəbər verir ki, bunu Türkiyə prezidenti Rəcəb Tayyib Ərdoğan Tunisdə bu ölkənin prezidenti Beji Kaid əs-Sebsi ilə keçirdiyi mətbuat konfransında bildirib.
“Suriyada Əsədlə birlikdə fəaliyyət göstərmək mümkün deyil. Niyə? Bir milyon vətəndaşını öldürmüş Suriya prezidenti ilə gələcəyi necə qura bilərik? Suriya xalqı belə birini dövlətin başında görmək istəyərmi? Bu işi biz görə bilmərik. O zaman öldürülən bir milyon Suriya xalqına qarşı haqsızlıq etmiş olarıq. Türkiyə olaraq biz onu (Bəşşar Əsədi nəzərdə tutur – “Report”) tanıya bilmərik”.