Bakı. 12 iyul. REPORT.AZ/ Türkiyə Hərbi Hava Qüvvələri Osmaniyyə, Şırnak və Diyarbəkirdə PKK terrorçularının mövqelərinə zərbələr endirib.
"Report" "Anadolu" agentliyinə istinadən xəbər verir ki, bu barədə ölkənin Hərbi Qüvvələrinin Baş Qərargahı məlumat yayıb.
Məlumatda bildirilir ki, hava zərbələri zamanı 17 terrorçu zərərsizləşdirilib.
Qeyd edək ki, PKK 1984-cü ildə yaranıb. Təşkilatın terrorçuları Türkiyədə sabitliyi pozmaq və ölkəni parçalamaq məqsədilə qanlı terror aktları törədir, sakinlərə qarşı silahlı hücumlar təşkil edirlər.