Bakı. 14 dekabr. REPORT.AZ/ PKK terror qruplaşmasının siyasi qolu sayılan HDP-dən olan deputat Besimə Qönçə həbs edilib.
"Report" xəbər verir ki, bu barədə "Anadolu" agentliyi məlumat yayıb.
Məlumata görə, Türkiyənin Siirt vilayətindən olan millət vəkili silahlı terror təşkilatına üzv olmaqda və terror təşkilatının təbliğatını aparmaqda ittiham edilir.
Qeyd edək ki, Besimə Qönçə bir qədər əvvəl də Cümhuriyyət Baş Prokurorluğu tərəfindən Ankarada saxlanılmış, lakin sonra sərbəst buraxılmışdı. Lakin sonradan prokurorluğun vəsatəti ilə yenidən saxlanılmış deputat barəsində həbs qərarı çıxarılıb.
Onunla yanaşı Çağlar Demirel də saxlanılıb.