Yuxarı
    Bağlamaq

    Donald Tramp: "Yüksək ixtisaslı əcnəbilər ABŞ vətəndaşlığı ala biləcəklər"

    Bakı. 11 yanvar. REPORT.AZ/ Yüksək ixtisaslı mütəxəssislərin ABŞ-da qalması tezliklə sadələşdiriləcək, bu həm də onlara gələcəkdə ABŞ vətəndaşlığı almaq imkanı verəcək.

    "Report" xəbər verir ki, bu barədə ABŞ Prezidenti Donald Tramp "Twitter" səhifəsində yazıb.

    "H1-B vizasının (yüksək ixtisaslı mütəxəssis vizaları) sahibləri əmin ola bilərlər ki, qarşıdakı dəyişikliklər onların ABŞ-da qalmalarını, o cümlədən mümkün vətəndaşlıq almalarını asanlaşdıracaq və təmin edəcək. ABŞ işləmək üçün istedadlı və yaxşı hazırlıqlı insanları ölkəyə cəlb etmək niyyətindədir", - Tramp yazıb.

    Daha əvvəl D.Tramp "qrin kart" viza lotereyasını ləğv etmək niyyətini açıqlamışdı.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi