Tramp yeni raket müqaviləsi bağlamaq istədiyini bildirib

Bakı. 1 fevral. REPORT.AZ/ ABŞ prezidenti Donald Tramp Orta və Yaxın Mənzilli Raketlərin Ləğvinə dair Müqavilənin əvəzində yeni raket sazişi imzalamaq istədiyini bildirib.

"Report" "Reuters"ə istinadən xəbər verir ki, o bunu Ağ evdə jurnalistlərə deyib.

"Ümid edirəm biz hamını böyük və gözəl otağa yığıb daha yaxşı bir müqavilə bağlamağa müvəffəq olacağıq. Mən bunu görmək istərdim", - deyə Tramp bildirib.

Orta və Yaxın Mənzilli Raketlərin Ləğvinə dair Müqavilə haqqında danışan Amerika lideri qeyd edib ki, Vaşinqton digər tərəf müqaviləni pozduğu halda, ona əməl etməyəcək.