Yuxarı

Tramp Robert Haruorda milli təhlükəsizlik üzrə köməkçi vəzifəsini təklif edib

Tramp Robert Haruorda milli təhlükəsizlik üzrə köməkçi vəzifəsini təklif edib
Vitse-admiralın həmin təklifi qəbul edib-etmədiyi məlum deyil

Bakı. 15 fevral. REPORT.AZ/ ABŞ prezidenti Donald Tramp Hərbi Dəniz Qüvvələrinin xüsusi təyinatlılarının sabiq komandiri, istefada olan vitse-admiral Robert Haruorda dövlət başçısının milli təhlükəsizlik üzrə köməkçisi vəzifəsini tutmağı təklif edib.

"Report"un məlumatına görə, bu barədə "Reuters" həmin vəzifəni tutmaq üçün namizəd seçilməsi prosesi barədə məlumatlı iki mənbəyə istinadən xəbər verib.

Agentliyin məlumatına görə, Haruordun həmin təklifi qəbul edib-etmədiyi hələlik məlum deyil.

Qeyd edək ki, Tramp əvvəlcə istefada olan general Maykl Flini prezidentin milli təhlükəsizlik üzrə köməkçisi təyin edib. Lakin o, bu günlərdə istefa verməyə məcbur olub. Bu səbəbdən həmin vəzifənin icrası müvəqqəti olaraq istefada olan daha bir generala - Kit Kelloqa tapşırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi