Tramp: “Filipindən qayıtdıqdan sonra Ağ evdə çox əhəmiyyətli açıqlama verəcəm”

Bakı. 14 noyabr. REPORT.AZ/ “Filipindən qayıtdıqdan sonra Ağ evdə çox əhəmiyyətli açıqlama verəcəm”.

“Report” xarici KİV-lərə istinadən bildirir ki, bunu ABŞ Prezidenti Donald Tramp “Twitter” səhifəsində yazıb.

O, Çin, Cənubi Koreya, Vyetnam və Filippini əhatə edən ikihəftəlik səfəri zamanı ABŞ-la iqtisadi əməkdaşlıq edən bütün ölkələrin əvvəllər qəbul etdikləri qanunların dəyişdiyini öyrəndiyini vurğulayıb.

D.Tramp Filippinin paytaxtı Manilada yaydığı “Twitter” paylaşımında bildirib: “ABŞ-la əlaqələr ədalətli və qarşılıqlı olmalıdır. ABŞ-ın xarici ticarət defisiti təcili olaraq, azaldılmalıdır”.