Toronto şəhəri ətrafında yerləşən restoranda partlayış olub, yaralananlar var

Bakı. 25 may. REPORT.AZ/ Toronto ətrafında yerləşən Mississoqe şəhərində restoranda partlayış baş verib.

"Report" xəbər verir ki, hind restoranında baş verən hadisə nəticəsində 15 nəfər xəsarət alıb. Onların hamısı xəstəxanaya yerləşdirilib. Üç yaralının vəziyyəti ağırdır.

Məlumata görə, partlayışı iki nəfər əldəqayırma partlayıcı qurğunu işə salmaqla törədib.