Yuxarı

"Times": Aİ sərt "Brexit"in vuracağı zərərin kompensasiyası üçün İrlandiyaya yardım paketi hazırlayır

​"Times": Aİ sərt "Brexit"in vuracağı zərərin kompensasiyası üçün İrla

Avropa Komissiyası Böyük Britaniyanın "Brexit" şərtlərinə dair razılaşma olmadan Avropa İttifaqından (Aİ) çıxması halında vurulacaq iqtisadi zərərin kompensasiyası üçün İrlandiyaya bir neçə milyard funt sterlinq həcmində yardım paketi hazırlayır.

"Report" TASS-a istinadən xəbər verir ki, bu barədə "The Times" qəzeti məlumat yayıb.

Qəzetin məlumatına görə, Aİ Birləşmiş Krallığın Brüssellə razılaşma əldə olunmadan ittifaqdan çıxacağı halda İrlandiya hökumətinin ticarət sahəsində üzləşə biləcəyi problemlərin öhdəsindən gəlməsi üçün lazım olan qədər sərf etməyə hazırdır. Amma dəqiq məbləğ göstərilmir.

İyulun 9-da İrlandiya hökuməti müxtəlif ssenarilərdə "Brexit"in mənfi təsirini minimuma endirmək üzrə fəaliyyət planının yenilənmiş versiyasını təqdim edib. Qeyd olunub ki, sazişsiz "Brexit" birinci ildə ölkə büdcəsinə 6,5 milyard avroya başa gələcək.

Britaniyanın Aİ-dən çıxışı oktyabrın 31-nə planlaşdırılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi