Texasda iki yük qatarı toqquşub - FOTO

Bakı. 28 iyun. REPORT.AZ/ ABŞ-ın Texas ştatının şimal-qərbində iki yük qatarı toqquşub.  

"Report" "Breaking 911" istinadən xəbər verir ki, nəticədə yanğın baş verib. 

Qatarın "BNSF Railway" dəmir yolu şirkətinə məxsus olduğu ehtimal olunur.  

Hadisə yerindən çəkilmiş fotoşəkillərdə çevrilmiş vaqonlar və qatı qara tüstü görünür. 

Hazırda ölən və xəsarət alanlar barədə məlumat yoxdur.