Yuxarı

Texasda gün ərzində ikinci bağlama partlayıb

Texasda gün ərzində ikinci bağlama partlayıb
Hadisə nəticəsində 2 nəfər xəsarət alıb

Bakı. 12 mart. REPORT.AZ/ Bazar ertəsi ABŞ-ın Texas ştatının Ostin şəhərində daha bir bağlama partlayıb.

“Report” RİA "Novosti"yə istinadən xəbər verir ki, bu barədə KXAN telekanalı məlumat yayıb.

Partlayış yaşayış evində baş verib. Təqribən 70 yaşlı qadın ağır vəziyyətdə xəstəxanaya çatdırılıb. İkinci zərərçəkmiş birbaşa partlayışla əlaqəli olmayan travma ilə xəstəxanaya yerləşdirilib.

Bu gün ilk partlayıcı qurğu Ostindəki fərdi evlərdən birinin kandarında işə düşüb. Hadisə nəticəsində 17 yaşlı yeniyetmə yerindəcə keçinib, təqribən 40 yaşlı qadın ağır vəziyyətdə xəstəxanaya aparılıb.

Hadisələr arasında hər hansı bir əlaqənin olub-olmadığı hələ ki, məlum deyil. Polis faktla bağlı araşdırma aparır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Xəbər lenti

Son xəbərlər



Orphus sistemi