Texasda atışma zamanı 2-i polis zabiti olmaqla, 3 nəfər xəsarət alıb

Bakı. 25 aprel. REPORT.AZ/ ABŞ-ın Texas ştatında atışma olub.

"Report" "RİA Novosti"yə istinadən xəbər verir ki, hadisə Dallas şəhərində baş verib.

Şəhərin Polis İdarəsinin "Twitter"də yaydığı məlumata görə, atışma zamanı idarənin iki zabiti yaralanıb. Onların vəziyyətinin kritik olduğu bildirilir.

Polisin məlumatına görə, hadisə zamanı 1 dinc sakin də xəsarət alıb. Hələlik onun səhhəti barədə məlumat yoxdur.