Bakı. 27 yanvar. REPORT.AZ/ Terrorçu PKK qruplaşmasının Suriyadakı qolu "PYD" ("Demokratik Birlik Partiyası") Suriayadakı vəziyyətin tənzimlənməsinə dair Cenevrədə keçiriləcək danışıqlara dəvət edilməyəcək.
"Report" Türkiyə KİV-inə istinadən xəbər verir ki, bu haqda Fransanın Xairici İşlər Nazirliyi məlumat yayıb.
"BMT-nin Suriya üzrə xüsusi təmsilçisi Stefan de Mistura "PYD"nin Cenevrədəki görüşlərə dəvət edilməyəcəyinin söyləyib", - deyə Fransa XİN-in bəyanatında bildirilib.
Xatırladaq ki, Türkiyə rəsmiləri terrorçu PKK-nın Suriyadakı qolunun danışıqlara dəvət olunacağı halda Cenevrədə keçiriləcək müzakirələri boykot edəcəklərini bildiriblər.