Yuxarı
    Bağlamaq

    Tereza Mey "Brexit" sazişi üzrə parlament səsverməsini təxirə sala bilər

    Bakı. 9 dekabr. REPORT.AZ/ Britaniyanın baş naziri Tereza Mey "Brexit" şərtləri ilə bağlı artıq hökumətlə razılaşdırılmış saziş üzrə İcmalar Palatasında üzümüzə gələn çərşənbə axşamı planlaşdırılan prinsipial səsverməni, gözlənildiyi kimi daha gec müddətə təxirə sala bilər.

    “Report” TASS-a istinadən xəbər verir ki, bu barədə "Reuters" məlumat yayıb.

    Agentliyin məlumatına görə, hökumət üzvləri və köməkçilərin gözləntilərinə görə, Mey nəzərdə tutulmuş səsverməni təxirə salacağını bazar günü elan edəcək.

    Bir çox siyasətçi və ekspertlərin fikrincə, onun parlamentin aşağı palatasında praktiki olaraq deputatların əksəriyyətinin dəstəyini qazanmaq üçün heç bir şansı yoxdur.

    Hökumətdə güman edirlər ki, sövdələşmə əleyhdarlarının səsvermə zamanı üstünlüyü o qədər əhəmiyyətli ola bilər ki, bu, indiki tori hökumətinin süqutuna gətirib çıxara bilər.

    Belə vəziyyətdə baş nazir sonuncu dəfə Aİ rəhbərlərindən London üçün birlikdən "ayrılmaq"la bağlı ən yaxşı sövdələşmə şərtləri tələb etmək üçün gələn həftə Brüsselə yollanacaq.

    Bundan əvvəl Britaniya müdafiə nazirinin şəxsi parlament katibi "Brexit" sazişinə etiraz əlaməti olaraq istefa verib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi