Bakı. 5 avqust. REPORT.AZ/ Tailandın şimal-şərqində sərnişin avtobusunun qəzaya uğraması nəticəsində 6 nəfər ölüb, 30 nəfər xəsarət alıb.
"Report"un məlumatına görə, bu barədə "Thai PBS" telekanalı məlumat yayıb.
Məlumata görə, qəza dünən gecə Nakxonratçasima əyalətində baş verib. Güclü yağış zamanı hərəkət edən avtobus qarşıdan gələn yük avtomobilinin yoluna çıxıb.
Avtomobillərin toqquşması zamanı avtobusun sürücüsü də həlak olub.
Yaralılar xəstəxanalara yerləşdirilib.