Bakı. 7 mart. REPORT.AZ/ "İraq-Şam İslam Dövləti" terror qruplaşmasının (İŞİD) üzvləri dayaq məntəqələri sayılan Suriyanın Rəqqa şəhərində qırğın törədərək 42-dən çox insanı qətlə yetiriblər.
"Report" BBC-yə istinadən xəbər verir ki, bu barədə terrorçuların sözügedən şəhərdə fəaliyyətlərini təqib edən yerli fəal məlumat verib.
Onun sözlərinə görə, terrorçular, xüsusilə homoseksuallıqda şübhəli bildikləri şəxsi binanın damından yerə atıblar, həmçinin guya Allahı təhqir etməkdə ittiham etdikləri kişinin başını kəsiblər.