​Suriyada türkmən kəndinə hücum nəticəsində 2 nəfər ölüb, 15 nəfər yaralanıb

Bakı. 20 iyul. REPORT.AZ/ Suriyada Bəşşar Əsəd rejiminə bağlı qüvvələr Türkmən dağında (Cəbəl ət-Türkmən) yer alan Avanlı kəndi və ətrafına tank, top və raketlərlə hücum edib.

"Report"un "Anadolu"ya istinadən xəbər verir ki, bu barədə Suriya Türkləri Dərnəyi məlumat yayıb.

Məlumata görə, nəticədə Suriyanın şimal-şərqində yerləşən Lazkiyə şəhərindəki Türkmən dağındakı Avanlı kəndi və ətrafında tərəflər arasında silahlı qarşıdurma baş verib. Hücumda 2 nəfər ölüb, 15 nəfər yaralanıb.