Suriyada minanın partlaması nəticəsində 3 nəfər ölüb

Bakı. 9 yanvar. REPORT.AZ/ Suriyanın Hama şəhərində terrorçular tərəfindən quraşdırılan minanın partlaması nəticəsində 3 nəfər ölüb, 5 nəfər yaralanıb.

“Report” xəbər verir ki, bu barədə polisdəki mənbəyə istinadən SANA məlumat yayıb.

Ölənlər arasında bir qadının olduğu bildirilir.

Ötən il dekabrın ortalarında Afrin şəhərində baş vermiş partlayış nəticəsində 11 nəfər həyatını itirib.