Suriyada baş verən partlayışda 8 nəfər ölüb, 20 nəfər yaralanıb

Suriyanın şimal-qərbində minalanmış avtomobilin partlaması nəticəsində 8 nəfər ölüb.

“Report” xəbər verir ki, bu barədə RİA “Novosti” mənbəyə istinadən məlumat yayıb.

Qeyd olunub ki, Hələb əyalətinin şimalındakı Azez şəhərində baş verən partlayış nəticəsində 20 nəfərdən çox şəxs müxtəlif dərəcəli bədən xəsarətləri alıb.

Avtomobil restoran və yanacaqdoldurma mərkəzinin qarşısında partladılıb.