Yuxarı

Sui-qəsdə məruz qalan Ukrayna Ali Radasının deputatı əməliyyat olunub və ayılıb

Sui-qəsdə məruz qalan Ukrayna Ali Radasının deputatı əməliyyat olunub və ayılıb
Yaralananlardan iki nəfər dünyasını dəyişib

Bakı. 26 oktyabr. REPORT.AZ/ Kiyevdə sui-qəsdə məruz qalan Ukrayna Ali Radasının "Radikal" Partiyasından olan deputatı İqor Mosiyçuk uğurlu əməliyyat sonra ayılıb. 

Bu barədə Report Ukrayna KİV-nə istinadən xəbər verir.

O, hələ reanimasiyada saxlanılır, həkimlər onun vəziyyətini orta ağır qiymətləndirirlər.

İ.Mosiyçuk bəyan edib ki, sui-qəsdin sifarişçiləri "Moskvada oturub", icraçıları isə yerli insanlardır: "Mən yalnız mühafizəçim Ruslanın sayəsində sağ qaldım. O, keçmiş "Berkut"çudur və məni xilas edərkən həyatını itirdi."

Sui-qəsd dünən axşam Kiyevdə, “Espresso” telekanalının redaksiyasının qarşısında baş verib. Partlayıcı qurğu motosikletə qoyulub. Son məlumatlara görə, yaralananlardan iki nəfər - Mosiyçukun mühafizəçisi Ruslan Kuşnir və qonşuluqda yaşayan 36 yaşlı polis kapitanı Mixail Mormel dünyasını dəyişib.

Faktla bağlı cinayət işi açılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi