Stokholm terrorunda şübhəli bilinən ikinci şəxs saxlanılıb

Bakı. 8 aprel. REPORT.AZ/ İsveçin paytaxtı Stokholmda terror aktı törətməkdə şübhəli bilinən ikinci şəxs saxlanılıb.

"Report" xəbər verir ki, bu barədə şənbə günü RİA "Novosti" məlumat yayıb.

Cümə günü naməlum şəxsin yük maşınını piyadaların üzərinə sürməsi nəticəsində 4 nəfər ölüb, 15 nəfər yaralanıb. Faktla bağlı bir nəfər şübhəli şəxs qismində saxlanılıb.