Şənbə günü Somalinin paytaxtı Moqadişoda baş vermiş partlayış nəticəsində azı 9 nəfər ölüb, 25 nəfər yaralanıb.
"Report" TASS-a istinadən xəbər verir ki, bu barədə "Sinhua" məlumat yayıb.
Somali polis komissarı Bəşir Əbdi Məhəmməd jurnalistlərə bildirib ki, "Səid kəsişməsi yaxınlığında bombanın partlaması nəticəsində doqquz nəfər ölüb, 25-i isə yaralanıb".
İkinci partlayış aeroporta gedən yolda törədilib. Polisin məlumatına görə, partlayışı terrorçu həyata keçirib. Qanun keşikçiləri onun partlayış nəticəsində yaralanmış silahdaşını saxlayıblar.
Partlayışlara görə məsuliyyəti "Əş-Şabab" terror qruplaşması öz üzərinə götürüb.
***21:18
Şənbə günü Somalinin paytaxtı Moqadişoda yerləşən parlament binası yaxınlığında partlayış baş verib.
"Report" "Franc-Press"ə istinadən xəbər verir ki, nəticədə 8 nəfər ölüb, daha 16 nəfər yaralanıb.
Daha əvvəl iki partlayışın baş verdiyi bildirilirdi. İkinci partlayış hava limanına gedən yol kənarında qeydə alınıb.
Partlayışlara görə məsuliyyəti heç kim öz üzərinə götürməyib.