Yuxarı

Şimali Koreya Rusiyaya məxsus balıqçı gəmisini saxlayıb

​Şimali Koreya Rusiyaya məxsus balıqçı gəmisini saxlayıb

Şimali Koreya göyərtəsində 17 dənizçinin olduğu Rusiyaya məxsus balıqçı gəmisini saxlayıb.

“Report” xəbər verir ki, bunu "Şimal-Şərq" balıqçılıq şirkətinin direktor müavini Sergey Sedler deyib.

Onun sözlərinə görə, "Syanhaylin-8" gəmisi ilə bağlı hadisə iyulun 17-nə keçən gecə baş verib. Gəmidə 15 Rusiya və iki Cənubi Koreya vətəndaşı olub. Gəmi Yapon dənizinə xərçəng tutmaq üçün yollanıb. Konsul dənizçilərin yanına yalnız iyulun 23-də buraxılıb.

Rusiya Xarici İşlər Nazirliyinin Vladivostokdakı nümayəndəsi bu barədə iyulun 18-də xəbər tutduqlarını bildirib.

"…diplomatlar hadisə baş verəndən vəziyyətin yoluna qoyulması üzərində işləyirlər", - deyə o bildirib.

Rusiya XİN rəsmisi əlavə edib ki, onlar artıq heyət üzvləri ilə görüşüblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi