Bakı. 28 yanvar. REPORT.AZ/ 2017-ci ilin noyabrında korrupsiyada şübhəli bilinərək həbs olunan Səudiyyə şahzadəsi Əl-Valid ibn Taləl yanvarın 27-də azadlığa buraxılıb.
"Report" "Reuters"ə istinadən xəbər verir ki, şahzadə geniş anti-korrupsiya araşdırması aparan prokurorluqla saziş bağladıqdan sonra sərbəst buraxılıb.
Sazişin şərtləri açıqlanmır.
"Forbes" onun sərvətini 17,4 mlrd. dollar səviyyəsində qiymətləndirir və dünyanın ən varlı insanları sırasında 79-cu yerdə müəyyən edib.