Bakı. 6 aprel. REPORT.AZ/ Sankt-Peterburqda yaşayış binasında partlayıcı qurğu zərərsizləşdirilib.
"Report" TASS-a istinadən xəbər verir ki, bu barədə jurnalistlərə şəhərin Nevski rayon administrasiyasının rəhbəri Konstantin Serov məlumat verib.
"Partlayıcı qurğu aşkarlanıb və zərərsizləşdirilib", - o bildirib.
Daha əvvək "fontanka.ru" portalı Sankt-Peterburqda polis əməkdaşlarının səhər saatlarında Yoldaş prospektində yerləşən binadan 3 nəfəri əli qandallı çıxardığını yazıb. Məlumata görə, saxlanılan şəxslərin hamısı kişidir və Mərkəzi Asiya ölkələrindəndirlər.
Bundan əvvəl binada şübhəli əşya aşkar edildiyindən sakinlər sahər tezdən təxliyə edilmişdi.