Bakı. 28 iyul. REPORT.AZ / Rusiya Federal Təhlükəsizlik Xidməti Sankt-Peterburqda, o cümlədən dəmiryolunda terror aktlarının hazırlanmasına görə Mərkəzi Asiya mənşəli 7 nəfəri saxlayıb.
"Report"un "RİA Novosti"yə istinadən verdiyi məlumata görə, bu barədə Rusiya FTX-dən bildirilib.
Saxlanılanların şəxsiyyətləri istintaq sirri olduğundan açıqlanmır. İstintaq-əməliyyat tədbirləri davam etdirilir.
Xatırladaq ki, aprelin 3-də Sankt-Peterburq metrosunun "Sennaya ploşad" və "Texnoloqiçeski institut-2" stansiyaları arasında partlayış baş verib. Terror aktı zamanı 16 nəfər, o cümlədən terrorçu Akbarjon Cəlilov, ölüb. Bu terror aktının araşdırılması çərçivəsində 10 nəfər həbs edilib.