Rusiyanın Müdafiə Nazirliyi: ABŞ Suriyada 50 min insanın humanitar yardım almasına çıxışı bağlayıb

Bakı. 27 noyabr. REPORT.AZ/ ABŞ-ın Suriyadakı Ət-Tənfə hərbi bazası ətrafında 55 km-li zonanı bağlamaq qərarı 50 mindən çox insanı təcrid vəziyyətində qoyub.

"Report" "Gazeta.ru"ya istinadən xəbər verir ki, bu barədə Rusiyanın Müdafiə Nazirliyinin nümayəndəsi, general-leytenant Sergey Kuralenko deyib.

“ABŞ Ət-Tənfə hərbi bazası ətrafında 55 km-li zonanı bağlamaqla 50 mindən çox insanın təcrid edildiyi ərazi yaradıb. Humanitar yardıma ehtiyacı olan insanlara bu yardımın göstərilməsində əngəl yaradılması ilə presedentsiz vəziyyət yaradılıb" - deyə o bildirib.

Generalın sözlərinə görə, təcrid zonasına düşən qaçqın düşərgəsinin sakinləri qida və tibbi yardım ala bilmir.