Bakı. 3 iyun. REPORT.AZ/ Berinq dənizində, Aleut adaları ilə Rusiya ərazisi arasında 6,9 maqnitudalı zəlzələ olub.
"Report"un məlumatına görə, bu barədə "TASS" xəbər verir.
Xəbərdə bildirilir ki, yeraltı təkanların episentri Attu adasından - ABŞ-ın qərbdəki ən ucqar arxipelağından 182 kilometr şimal-qərbdə, Rusiyanın Komandor adalarından 150 kilometr məsafədə yerləşib. Zəlzələ ocağı 31 kilometr dərinlikdə olub.
ABŞ-ın Geologiya Xidməti isə Alyaskada 6,8 maqnitudalı zəlzələnin baş verməsi barədə məlumat yayıb.
Xəsarət alanlar və dağıntılar, həmçinin sunami təhlükəsi barədə məlumat daxil olmayıb.