Bakı. 14 mart. REPORT.AZ/ Rusiyanın Ulyanovsk vilayətinin Novospask qəsəbəsində güclü yanğın baş verib.
"Report" "Gazeta.ru"ya istinadən xəbər verir ki, bu barədə Daxili İşlər Nazirliyinin Regional İdarəsinin mətbuat xidməti məlumat yayıb.
Məlumata görə, hadisə yaşayış evində qeydə alınıb. "Sovetsk" küçəsindəki yanğın zamanı 4 nəfər ölüb.
Mətbuat xidmətinin məlumatında bildirilir ki, ölənlərdən biri evin 67 yaşlı sakini, onun iki oğlu və onların tanışlarıdır. Hazırda hadisənin başvermə səbəblərini müəyyən etmək üçün ərazidə operativ təhqiqat qrupu işləyir.