Bakı. 16 fevral. REPORT.AZ/ Rusiya Federal Miqrasiya Xidməti (FMX) Ukraynanın keçmiş prezidenti Viktor Yanukoviçin Rusiya vətəndaşlığı almasını şərh etməkdən imtina edib.
"Report" "RİA Novosti"yə istinadən xəbər verir ki, miqrasiya xidməti bunu şəxsi məlumatların məxfiliyi haqqında qanunla əsaslandırıb.
FMX-nin vətəndaşlıq məsələləri üzrə idarəsinin rəisi Valentina Kazakova deyib ki, ölkənin müvafiq qanununa görə, Xidmətin istənilən şəxsin statusu ilə bağlı məlumatını açıqlamağa hüququ yoxdur.