Yuxarı

Rumıniya prezidenti Ukraynaya səfərini təxirə salıb

Rumıniya prezidenti Ukraynaya səfərini təxirə salıb
Buna Ukraynada qəbul olunan təhsil haqqında qanun səbəb olub

Bakı. 22 sentyabr. REPORT.AZ/ Rumıniya prezidenti Klaus Yohannis bu ilin oktyabr ayına planlaşdırılan Ukrayna səfərini təxirə slıb.

"Report" xəbər verir ki, mühüm səfərin təxirə salınmasına Ukrayna Ali Radası tərəfindən qəbul olunan təhsil haqqında qanun səbəb olub.

Yerli "Agerpres" nəşrinin məlumatına görə, Ukraynada qəbul olunan təhsil haqqında qanun hər iki tərəfin maraqlarına ziddir.

"Həmin qanundan xəbər tutan kimi Ukraynaya səfərimi təxirə saldım və həmçinin sentyabrın sonuna mənə görüş təyin etmiş parlament sədrinin qəbulundan imtina etdim", — deyə Yohannis əlavə edib.

Rumıniya prezidenti bildirib ki, yeni təhsil haqqında qanun milli azlıqların öz doğma dillərində təhsil almaq hüquqlarını məhdudlaşdırır, Ukraynada isə çoxlu sayda rumın yaşayır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi