Venesuela müxalifətinin lideri, Milli Assambleyanın başçısı Xuan Quaido hökumət qüvvələrinin onun aparat rəhbəri Roberto Marreronu saxladığını açıqlayıb.
"Report" RT-yə istinadən xəbər verir ki, o, bu barədə "Twitter"də yazıb.
"Aparat rəhbərim Roberto Marrero qaçırılıb... O, dərhal azad edilməlidir," - Quaido bildirib.
Eyni zamanda, ABŞ dövlət katibi Mayk Pompeo Vaşinqtonun Marreronun həbsini qınadığını söyləyib və onu azad etməyə çağırıb.