Qəzzada İsrail hərbçiləri ilə toqquşmalarda 33 fələstinli yaralanıb

Bakı. 8 dekabr. REPORT.AZ/ Cümə günü Qəzza zolağının şərq sərhədində İsrail sərhədçiləri ilə toqquşmalar nəticəsində 33 fələstinli xəsarət alıb.

“Report” RİA "Novosti"yə istinadən xəbər verir ki, bu barədə Fələstinin Səhiyyə Nazirliyi məlumat yayıb.

Cari ilin mart ayının sonlarından Qəzzada "Böyük qayıdış yürüşü" adlı etiraz aksiyaları davam etməkdədir. Bu aksiyalar müntəzəm olaraq İsrail hərbçiləri ilə qanlı toqquşmalara gətirib çıxarır.

Bundan əvvəl Qəzzada İsrail hərbçiləri ilə toqquşmalarda 28 fələstinli xəsarət almışdı.