Qətər dövləti Türkiyəyə 15 milyard dollar sərmayə yatıracaq

Bakı. 16 avqust. REPORT.AZ/ Qətər dövlətinin əmiri Şeyx Təmin bin Həməd Al Sani Türkiyəyə səfər çərçivəsində Ankarada Prezidenti Rəcəb Tayyib Ərdoğan ilə görüşüb.

"Report" xəbər verir ki, Türkiyə Prezidentinin müşaviri İbrahim Kalın görüşün nəticəsi ilə bağlı açıqlama yayıb. İ.Kalin bildirib ki, Qətər dövləti Türkiyəyə 15 milyard ABŞ dolları sərmayə yatıracaq. “Qətər tez bir zamanda 15 milyardlıq sərmayə paketini Türkiyə iqtisadiyyatına yatırmaq niyyətindədir", - deyə o vurğulayıb.