Yuxarı

Qərbi Afrika sahillərində 22 dənizçinin olduğu tanker itib

Qərbi Afrika sahillərində 22 dənizçinin olduğu tanker itib
Sonuncu dəfə gəmidən məlumat Benin sahillərində lövbər salarkən daxil olub

Bakı. 3 fevral. REPORT.AZ/ Göyərtəsində 22 hind dənizçinin olduğu "Marine Express" tankeri Qərbi Afrika sahillərində itib.

“Report” xəbər verir ki, Panamada qeydiyyatdan keçən gəminin heyət üzvləri ilə iki sutkadan artıqdır əlaqə yoxdur.

Sonuncu dəfə onlardan informasiya tanker Benin sahillərində lövbər salarkən daxil olub.

NDTV telekanalının məlumatına görə, gəmi sahiblərinin tankerin yük və pul üçün piratlar tərəfindən qaçırıla biləcəyini istisna etmirlər. Çünki tankerdə 8,1 milyon dollarlıq 13,5 min ton neft olub.

Hindistanın Gəmiçilik Nazirliyi tankerin axtarışına kömək etmələri üçün Benin və Nigeriyanın rəsmi şəxslərinə müraciət ünvanlayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi