Yuxarı

Qazaxıstanın Belarusdakı səfirliyinin mühasibi təxminən 700 min dollar mənimsəməkdə ittiham olunur

Qazaxıstanın Belarusdakı səfirliyinin mühasibi təxminən 700 min dollar mənimsəməkdə ittiham olunur
O, Astana polisində müvəqqəti saxlama təcridxanasına yerləşdirilib

Bakı. 5 yanvar. REPORT.AZ/ Qazaxıstan Milli Antikorrupsiya Bürosu Qazaxıstanın Belarusdakı səfirliyinin baş mühasibi A.Seydualiyevi saxlayıb.

Bu barədə "Report" Qazaxıstan KİV-inə istinadən xəbər verir.

Qurumun mətbuat xidmətinin verdiyi məlumata görə, A.Seydualiyevin 2012-2015-ci illərdə səfirlik binasının tikintisiylə məşğul olan baş podratçı "Aktivbiznesplyus" MMC-yə guya ödənişlər həyata keçirdiyini göstərmək məqsədilə saxta kassa məxaric orderləri hazırlayıb və 207 min dollar dəyərində büdcə vəsaitini mənimsəyib.

Bundan əlavə, göstərilən müddət ərzində A.Seydualiyev Belarus vergi orqanlarından ƏDV-nin geri qaytarılması kimi səfirliyin ünvanına daxil olmuş 474,883 min dollar məbləğində pul vəsaitini də mənimsəyib.

"Mənimsənilmiş pul vəsaitinin ümumi məbləği 681,883 min dollar təşkil edir", - məlumatda bildirilib.

Mühasib saxlanılaraq Astana polisində müvəqqəti saxlama təcridxanasına yerləşdirilib. Məhkəməöncəsi istintaq prosesi davam etdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi