Qazaxıstanda helikopter qəzası: 1 yaralı

Bakı. 24 yanvar. REPORT.AZ/ Qazaxıstanın Jınbıl vilayətindəmülki helikopter qəzaya uğrayıb.

"Report" İnterfaks agentliyinə istinadən xəbər verir ki, Rıskulov rayonunda qəzaya uğrayan Mİ-2 helikopterinin göyərtəsində olan bir nəfər ağır yaralanıb.

Yaralının bədəninin 50 faizinin yanığı diaqnozu ilə Taraz şəhər xəstəxanasına gətirildiyi bildirilir.

Qəzanın səbəbləri və helikopterdə ümumilikdə neçə nəfərin olduğu açıqlanmır.