Yuxarı

Putin: "NATO-dakı dövlətlər ancaq vassallardır"

Putin: "NATO-dakı dövlətlər ancaq vassallardır"
Rusiya prezidenti NATO-nu ABŞ-ın xarici siyasət aləti adlandırıb
© Zercalo.org

Bakı. 3 iyun. REPORT.AZ/ Rusiya Federasiyasının prezidenti Vladimir Putin NATO-nu ABŞ-ın xarici siyasətinin aləti adlandırıb.

"Report"un məlumatına görə, dövlət başçısının rejissor Oliver Stouna müsahibəsini "Politico" nəşri yayıb.

Putin bildirib ki, alyansdakı dövlətlər ABŞ-ın vassallarıdır. "Bu gün o, (NATO - "Report") ABŞ-ın xarici siyasət alətidir. Orada müttəfiqlər yoxdur, ancaq vassallar var" – deyə prezident qeyd edib.

Kreml rəhbəri bununla yanaşı vurğulayıb ki, hansısa ölkə NATO üzvü olduqda o, alyansın iri ölkəsi – lideri ABŞ-ın təzyiqlərinə çətinliklə müqavimət göstərə bilir.

"Orada hər şey çox asanlıqla peyda olur. Nə lazımdırsa – raket əleyhinə sistemlər, yeni bazalar və əgər tələb olunsa, yeni zərbə kompleksləri" – deyə Rusiya lideri əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Xəbər lenti

Son xəbərlər



Orphus sistemi