Polşada qırıcı təyyarə qəzaya uğrayıb

Bakı. 4 mart. REPORT.AZ/ Polşa Hərbi Hava Qüvvələrinə məxsus “MiQ-29” qırıcı təyyarəsi qəzaya uğrayıb.

“Report” “RİA Novosti”yə istinadən xəbər verir ki, bunu Polşa Silahlı Qüvvələri Baş Komandanlığının rəsmisi Marek Pavlyak bildirib.

Onun sözlərinə görə, qəza Mazovetsk yaxınlığında baş verib. Pilot katapult edib. M.Pavlyak bildirib ki, pilot hələ tapılmayıb, onun axtarışı davam edir.