Yuxarı

Perunun sabiq prezidenti Fuximori həbsdən azad edilib

Perunun sabiq prezidenti Fuximori həbsdən azad edilib
Fuximori insan haqlarının pozulması, korrupsiya və ölüm eskadronlarının fəaliyyətinə icazə verilməsinə görə 25 il müddətinə azadlıqdan məhrum edilib

Bakı. 25 dekabr. REPORT.AZ/ Peru prezidenti Pedro Pablo Kuçinski səhhəti ilə əlaqədar həbsdə olan sabiq dövlət başçısı Alberto Fuximorini əfv etmək qərarına gəlib.

“Report” TASS-a istinadən xəbər verir ki, bu barədə dekabrın 24-də yerli RPP radiostansiyası məlumat yayıb.

Bildirilir ki, Fuximori yaxın saatlarda paytaxtın Ate qəsəbəsində yerləşən Barbadilyo həbsxanasını tərk edəcək. Sabiq prezident cəzasının son 8 ilini bu penitensiar müəssisədə çəkib.

Fuximori insan haqlarının pozulması, korrupsiya və ölüm eskadronlarının fəaliyyətinə icazə verilməsinə görə 25 il müddətinə azadlıqdan məhrum edilib.

2015-ci ilin aprelində səhhətinin pisləşməsi səbəbindən o, xəstəxanaya yerləşdirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi