Peruda yük maşını mikroavtobusla toqquşub, 19 nəfər yanaraq ölüb

Bakı. 24 fevral. REPORT.AZ/ Perunun şimal-qərbində yük maşınının motosiklet və mikroavtobusa çırpılması nəticəsində təqribən 20 nəfər həyatını itirib.

"Report" xəbər verir ki, ölkənin yanğın xidmətinin rəhbəri Viktor Fernandesin bildirdiyinə görə, yük maşını sürətlə hərəkət etdiyindən, qəzadan sonra partlayış baş verib və ölən 19 nəfərin meyiti yanmış vəziyyətdə aşkar olunub.

Onların qalıqları şəxsiyyətlərinin müəyyən edilməsi üçün yaxınlıqdakı Truxilyo şəhər xəstəxanasına çatdırılıb.