​Peruda sərnişin avtobusu aşıb, 12 nəfər ölüb

Bakı. 15 may. REPORT.AZ/ Peruda sərnişin avtobusunun qəzaya uğraması nəticəsində ən azı 12 nəfər ölüb.

"Report" xəbər verir ki, bu barədə yerli polisin məlumatında bildirilir.

"El Comercio" portalı yazır ki, faciə Panamerika magistral yolunda baş verib. Sərnişin avtobusu naməlum səbəbdən yoldan çıxıb və çevrilib.

Ölənlər arasında iki uşaq və şəxsiyyəti hələ ki, məlum olmayan bir əcnəbi var. Avtobus Truxilyo şəhərindən paytaxt Limaya gedirmiş. Onun içində 45 nəfər olub.