Bakı. 18 aprel. REPORT.AZ/ Peruda 6 bal gücündə zəlzələ olub.
"Report" xarici mətbuata istinadən xəbər verir ki, bu barədə ABŞ-ın Elmi-Geoloji Araşdırma Mərkəzi məlumat yayıb.
Məlumatda bildirilir ki, yeraltı təkanlar ölkənin Amazon bölgəsindəki İqitos şəhərinin 255 kilometr şimal-qərbində, 10,7 kilometr dərinlikdə qeydə alınıb. Hələlik tələfat və ya dağıntı barəsində məlumat verilmir.
Zəlzələ Ekvador və Kolumbiyada da hiss edilib. Ekvadorun paytaxtı Kitoda yeraltı təkanlardan təlaşa düşən sakinlər evlərini tərk ediblər.