Yuxarı

Pekində bıçaqla silahlanmış şəxs supermarket müştərilərinə hücum edib

Pekində bıçaqla silahlanmış şəxs supermarket müştərilərinə hücum edib
Bir qadın ölüb, daha 12 nəfər yaralanıb

Bakı. 12 fevral. REPORT.AZ/ Çinin paytaxtı Pekin şəhərinin mərkəzində yerləşən Sidan rayonunda bıçaqla silahlanmış kişi supermarketlərdən birinin müştərilərinə hücum edib. Nəticədə bir qadın aldığı yaralardan keçinib, daha 12 nəfər xəsarət alaraq xəstəxanaya yerləşdirilib.

“Report” RİA "Novosti"yə istinadən xəbər verir ki, bu barədə Pekin polisi "Weibo" sosial şəbəkəsində məlumat yayıb.

Bildirilir ki, 35 yaşı olan kişi bazar günü yerli vaxtla günorta 13.00 radələrində (Bakı vaxtı ilə 9:00-da) hələ ki, məlum olmayan səbəblərdən "Joy City" supermarketinin müştərilərinə hücum edib.

Hadisə yerinə çağırılan polis əməkdaşları kişini tutublar. Hazırda o, dindirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi