Paris yaxınlığında yerləşən miqrantlar üçün mərkəzdə yanğın baş verib

Bakı. 16 dekabr. REPORT.AZ/ Cümə gününə keçən gecə Paris yaxınlığındakı Bulon-Biyankur kommunasında yerləşən miqrant işçilər üçün mərkəzdə yanğın baş verib.

"Report" "Europe 1"ə istinadən xəbər verir ki, hadisə nəticəsində 3 nəfər ağır yaralanıb, 11 nəfər yanğında xəsarət alıb. 328 yataq yeri olan binadan təqribən 30 nəfər təxliyə edilib.

Hazırda müstəntiqlər cinayət izi axtarışındadır. Hadisə yerinin ilkin müayinə nəticələrinə görə, altımərtəbəli binanın girişindəki dəhlizdə alışqan maddələrin izləri tapılıb.