Paris ətrafında atışma olub, 1 nəfər öldürülüb

Bakı. 7 may. REPORT.AZ/ Parisin qərbində yerləşən Plezir şəhərində yerləşən “Burger King” restoranının dayanacağında baş verən atışma nəticəsində 1 nəfər güllələnərək öldürülüb.

“Report” TASS-a istinadən xəbər verir ki, bu barədə “Le Parisien” qəzeti yazıb.

Nəşrin məlumatına görə, cani park edilmiş avtomobildə olan kişiyə bir neçə dəfə atəş açıb. O, daha sonra hadisə yerindən qaçıb.

Polis araşdırmalara başlayıb.