Paris aeroportunda iki təyyarə toqquşub

Bakı. 1 noyabr. REPORT.AZ/ Parisin Ruassi — Şarl de Qoll hava limanında iki sərnişin təyyarəsi toqquşub.

“Report” "Le Parisien" nəşrinə istinadən xəbər verir ki, şahidlərin sözlərinə görə, "Air France" aviaşirkətinə məxsus "Airbus A330-200" tipli təyyarə dayanacağı tərk edib və uçuş-eniş zolağındakı yolda dayanıb.

Bu zaman onun arxasında "Delta Air Lines"in təyyarəsi hərəkət edib və nəticədə qanadı ilə "Airbus"yn quyruğuna ilişib.

Birinci təyyarə arxa hissəsindən zədələnib. Sərnişinlərdən xəsarət alan olmayıb, lakin uçuşu təxirə salmaq lazım gəlib. İnsanlar bir gecəlik mehmanxanaya yerləşdirilib, reys növbəti səhər həyata keçirilib. Təyyarə Sen-Marten adasına uçmalı idi.

Bundan əvvəl "Lester" prezidentinin vertolyotunun qəza anının görüntüləri yayılıb.