Yuxarı

Pakistanın keçmiş baş nazirinin xanımı vəfat edib

Pakistanın keçmiş baş nazirinin xanımı vəfat edib

Bakı. 11 sentyabr. REPORT.AZ/ Pakistanın keçmiş baş naziri Nəvaz Şərifin həyat yoldaşı Bəyim Gülsüm Nəvaz Londonda vəfat edib.

“Report” “ajanshaber”ə istinadən xəbər verir ki, bunu Nəvaz Şərifin qardaşı, Pakistan Müsəlman Liqası-Nəvazın lideri Şahbaz Şərif bildirib.

Onun sözlərinə görə, Bəyim Gülsüm Nəvaz Britaniyanın paytaxtında xəstəxanalardan birində xərçəngdən müalicə olunurdu.

O, Nəvaz Şəriflə 46 il idi ailə qurmuşdu. Onların 4 uşağı var. Pərviz Müşərrəfin hakimiyyəti illərində həyat yoldaşının azadlığa buraxılması üçün Bəyim Gülsüm kampaniya aparıb.

Mərhum sentyabrın 14-də Pakistanda dəfn ediləcək.

Qeyd edək ki, Mian Məhəmməd Nəvaz Şərif 2013-cü ildən 2017-ci ilə qədər Pakistan İslam Respublikasının baş naziri olub. O, buna qədər iki dəfə (1990-93 və 1997-99-cu illərdə) bu vəzifəni icra edib, 1985-ci ildən 1990-cı ilə qədər isə Pəncab əyalətinin baş naziri olub. Pakistan tarixində ən uzun müddət baş nazir vəzifəsində xidmət etmiş şəxsdir.

2017-ci il iyulun 28-də Pakistan Ali Məhkəməsi korrupsiya ittihamlarının istintaqı çərçivəsində onu hökumət başçısı vəzifəsindən uzaqlaşdırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi