Bakı. 27 may. REPORT.AZ/ Pakistanın cənubunda yerləşən Karaçi şəhərində naməlum şəxslərin polis avtomobilini atəşə tutması nətcəsində 3 asayiş keşikçisi ölüb.
"Report" "RİA Novosti"yə istinadən xəbər verir ki, bunu şəhər polis idarəsinin təmsilçisi Feruz Şah bildirib.
Onun sözlərinə görə, motosikletdə olan 4 silahlı yaxın məsafədən polislərin olduğu avtomobilə atəş açıb: "Onlar atəş açdıqdan sonra hadisə yerindən uzaqlaşıblar".
Hadisənin məsuliyyətini bölgədə fəaliyyət göstərən heç bir silahlı qruplaşma üzərinə götürməyib.